Gwnewch Wahaniaeth
ac Ymgeisiwch Heddiw

Tâl

• Mae'r Adran yn talu cyflog misol sylfaenol i chi, sy'n cael ei adolygu bob blwyddyn. Mae'r ystod cyflog ar gyfer gradd EO rhwng £29,500 a £33,979 yn dibynnu ar y lleoliad rydych yn gweithio ynddo. Rydym hefyd yn cynnig taliadau ymlaen llaw o gyflog i helpu gyda'ch cyllideb. Disgwylir i newydd-ddyfodiaid ymuno ar isafswm y band cyflog.
• Yn ogystal â'ch cyflog sylfaenol, mae'n bosibl y byddwch yn derbyn gwobrau cydnabyddiaeth am gyfraniad unigol neu dîm i waith yr Adran.
• Gallwch hefyd gyfrannu at elusen drwy wneud didyniadau'n uniongyrchol o'ch cyflog misol. Gwneir didyniadau ar sail ddi-dreth.
• Mae gan weithwyr yr Adran Gwaith a Phensiynau fynediad at gynllun cynilo cyflogres i roi arian o'r neilltu mewn cyfrif cynilo misol i'w ddefnyddio pan fo angen.

Pensiynau

Pensiwn y Gwasanaeth Sifil â chyfraniad cyflogwr cyfartalog o 27%. Mae'r cynllun yn Gynllun Pensiwn Budd Diffiniedig sy'n cael ei weithio allan ar sail Cyfartaledd Gyrfa.

Mae buddion Pensiwn y Gwasanaeth Sifil yn rhan werthfawr o'ch pecyn buddion cyflogai. Gallwch gael rhagor o wybodaeth drwy fynd i :

civilservicepensionscheme.org.uk/.

Amser bant

• 23 diwrnod o wyliau blynyddol ar fynediad, yn cynyddu ar raddfa symudol i 30 diwrnod ar ôl 5 mlynedd o wasanaeth. Mae hyn yn ychwanegol at eich gwyliau banc/cyhoeddus.
• Ategir hyn gan un diwrnod arall o hawl braint â thâl i nodi pen-blwydd swyddogol Brenhinoedd Siarl III.
• Patrymau gweithio hyblyg a mynediad at Gynlluniau Gweithio Hyblyg sy'n eich galluogi i amrywio eich diwrnod gwaith i gyd-fynd â'ch cydbwysedd bywyd a gwaith tra'n bodloni anghenion busnes.
• Absenoldeb mamolaeth a thadolaeth hael â thâl sy'n sylweddol uwch na'r isafswm statudol a gynigir gan lawer o gyflogwyr eraill ar ôl cyfnod cymhwyso.
• Tâl salwch galwedigaethol ar ôl cyfnod cymhwyso.

Lles

• Benthyciadau di-log sy'n eich galluogi i ledaenu cost tocyn tymor teithio blynyddol neu feic newydd.
• Defnyddio cyfleusterau ar y safle gan gynnwys parcio, canolfannau ffitrwydd a ffreuturau staff (lle bo'n berthnasol).
• Cynllun gostyngiadau buddion gweithwyr sy'n cynnig gostyngiadau i weddu i'ch ffordd o fyw ac yn arbed arian i chi ar ystod eang o gynnyrch a digwyddiadau. Er enghraifft: Bwyd a Diod, Teithio, Hamdden ac Adloniant ac Iechyd a Ffitrwydd.
• Mae gan weithwyr yr Adran Gwaith a Phensiynau fynediad at gynllun cynilo cyflogres i roi arian o'r neilltu mewn cyfrif cynilo misol i'w ddefnyddio pan fo angen.
• Prawf llygaid a golwg llawn am ddim a thaleb tuag at gost sbectol lle mae angen defnyddio cyfrifiadur yn aml i gwblhau eich rôl.
• Mae gan weithwyr yr Adran Gwaith a Phensiynau fynediad uniongyrchol i gynllun mantais Vodafone sy'n rhoi disgownt ar gyfer cysylltiadau dyfeisiau symudol personol.
• Mae'r 'Health and Social Security Recreational Association' (HASSRA) yn sefydliad chwaraeon a hamdden cenedlaethol sy'n rhoi'r cyfle i weithwyr yr Adran Gwaith a Phensiynau gymryd rhan mewn amrywiaeth o weithgareddau chwaraeon, hamdden a diwylliannol.
• Mynediad am ddim i Linell Gymorth Ffisiotherapi Gwasanaeth Iechyd Galwedigaethol DWP ar gyfer unrhyw anaf neu gyflwr sy'n bodoli eisoes neu anaf neu gyflwr newydd o'r diwrnod cyntaf.
• Mynediad am ddim i Raglen Cymorth Gweithwyr 24 awr y dydd – cewch gyngor am ddim gan arbenigwyr ynghylch cefnogaeth profedigaeth, digwyddiad critigol, cyngor cyfreithiol neu ariannol yn ogystal â chwnsela dros y ffôn os ydych chi neu'ch priod neu ddibynyddion, sy'n bodloni gofynion cymhwysedd, ei angen.

Mae DWP wedi ymrwymo i alluogi ei holl weithwyr i ddatblygu i'w llawn botensial. Mae nifer o raglenni talent a chynlluniau datblygu ar gael. Yn ogystal, mae'r adran yn cefnogi dyrchafiad mewnol a thraws-lywodraethol a chyfleoedd symud ochrol ar sail barhaol a thros dro.

Mae ystod o wahanol raglenni prentisiaeth ar gael i weddu i bob gradd a rôl swydd yn ogystal â rhai o’r cymwysterau gorfodol a fyddai’n cael eu hamlinellu yn yr hysbyseb.

Mae dysgu technegol a phroffesiynol ar gael trwy Civil Service Learning a DWP Learning and Development sy'n annog hunan-ddysgu yn eich amser eich hun. Mae DWP yn caniatáu i bob gweithiwr neilltuo hyd at 5 diwrnod y flwyddyn i gefnogi eich datblygiad personol a chynlluniau dysgu.

Y Proffesiwn Cyflawni Gweithredol (ODP) yw'r proffesiwn mwyaf yn y Gwasanaeth Sifil. Dros 200,000 o Weision Sifil yn gweithio ym maes Cyflenwi Gweithredol i wneud yn siŵr bod y cyhoedd yn cael y gwasanaethau a’r amddiffyniad sydd eu hangen arnynt. Mae'r OPD yn frwd dros gefnogi pobl i gyrraedd eu llawn botensial. Gall yr offer gyrfa sydd ar gael ein helpu i feddwl am eich llwybrau gyrfa yn y dyfodol ac i gynllunio ar gyfer ein dyfodol fel gweithiwr proffesiynol cyflenwi gweithredol. Mae rhagor o wybodaeth am y Proffesiwn Cyflawni Gweithredol ar gael yma Proffesiwn Cyflawni Gweithredol - GOV.UK (www.gov.uk).

Fel sefydliad sy’n dysgu’n barhaus, mae DWP yn cynnig rhaglen ddysgu a datblygu wedi’i theilwra i helpu i feithrin eich gwybodaeth a’ch sgiliau ymhellach er mwyn darparu’r cymorth a’r gefnogaeth mae ein cwsmeriaid ei angen.

Mae’r rhaglen ddysgu yn ymdrin ag ystod eang o bynciau technegol a sgiliau, o hanfodion Credyd Cynhwysol, hyd at sgiliau hyfforddi a gwneud penderfyniadau effeithiol. Rydym am sicrhau ein bod yn cynnig gyrfaoedd boddhaus, gwerth chweil sy'n denu ac yn cadw pobl frwdfrydig.

Ein nod yw creu amgylchedd lle mae pawb yn teimlo eu bod yn cael eu cefnogi i fod ar eu gorau. Mae DWP yn ymdrechu i fod yn sefydliad cwbl gynhwysol ac rydym hefyd yn ymfalchïo mewn bod yn Arweinydd Hyderus o ran Anabledd. Rydym wedi ymrwymo’n llwyr i uchelgais y Gwasanaeth Sifil i fod y cyflogwr mwyaf cynhwysol yn y DU, rydym yn croesawu ac yn annog ceisiadau am ein swyddi gwag gan bawb o ystod eang o gefndiroedd i helpu DWP i ddod yn fwy cynrychioliadol o’r cymunedau rydym yn eu gwasanaethu.